તારો નેડો લાગ્યો મુજને, રાજા રણછોડ રે,

તારો નેડો લાગ્યો મુજને, રાજા રણછોડ રે, 

રાજા રણછોડ રે, રંગીલા રણછોડ રે   (2) 

અધમ ઉધારણ નામ તમારું, મહાત્મ્ય તેનું મોટું રે  (2)

ફરતા - ફરતા તુજ ને સમરું, બાકી સર્વે ખોટું રે  

તારો નેડો લાગ્યો.............. 

કાશી દેખી - દેખી દ્વારિકા, તીરથ દીઠા સાચા રે  (2) 

સંત સંગત માં બેઠો ત્યારે, દલડે મૂકી માઝા રે  

તારો નેડો લાગ્યો............ 

ભવસાગર માં હું અથડાતો, સગા સંબંધી લૂંટે રે  (2) 

દાસ ઉપર જો દયા કરો તો, ભવના બંધન તૂટે રે 

તારો નેડો લાગ્યો..............