વીજળી ને ચમકારે મોતીડાં પરોવો રે પાનબાઈ
નહીંતર અચાનક અંધારા થાશે જી
જોત રે જોતા માં દિવસો વહી જશે પાનબાઈ
એકવીશ હજાર છસો ને કાળ ખાશે જી / (2)
જાણ્યા રે જેવી આ તો અજાણ છે રે વસ્તુ પાનબાઈ
અધૂરિયા નેનો કે'વાય જી
ગુપત રસ નો આ ખેલ છે અટપટો, આંટી મેલો તો સમજાય જી
વીજળી ને ચમકારે............
મન રે મૂકીને તમે આવો રે મેદાનમાં પાનબાઈ
જાણી લીયો જીવ કેરી જાત જી
સજાતિ - વિજાતિ ની જુગતિ બતાવું ને, બીબે પાડી દઉં બીજી ભાત જી
વીજળી ને ચમકારે...........
પિંડ રે બ્રમાંડ થી પર છે ગુરુ પાનબાઈ, તેનો રે દેખાડું તમને દેશ જી
ગંગા રે સતી એમ બોલિયાં રે સંતો, ત્યાં નહિ માયાનો જરીયે લેશ જી
વીજળી ને ચમકારે.............
No comments:
Post a Comment