એકલાજ આવ્યા મનવા એકલાજ જવાના

એકલાજ આવ્યા મનવા, એકલાજ જવાના 

સાથી વિના, સંગી વિના એકલા જવાના 

કાળજા ની કેડીએ કાયા ના સાથ દે 

કાળી - કાળી રાતડીએ છાયા ના સાથ દે 

કાયા ના સાથ દે ભલે, છાયા ના સાથ દે ભલે 

પોતાના જ પંથે પોતાના વિનાના 

સાથી વિના, સંગી વિના, એકલા જવાના 

સાથી વિના સંગી.......... 

આપણે અહીં એકલા ને કિરતાર એકલો 

એકલો જીવો ને એનો આધાર એકલો 

વેદના સહીએ ભલે, એકલા રહીએ ભલે 

એકલા રહીને બેલી થવું રે બધાના 

સાથી વિના સંગી...........