ભોળી રે ભરવાડણ હારીને, વેચવા ચાલી

ભોળી રે ભરવાડણ હારીને, વેચવા ચાલી 

સોળ સહસ્ત્ર ગોપીનો વહાલો, મટુકી માં ઘાલી 

અનાથ ના નાથ ને વેચે આહીર ની નારી 

શેરીએ - શેરીએ સાદ પાડે, લ્યો કોઈ મોરારી 

મટુકી ઉતારી માંહી મોરલી વાગી 

વ્રજ નારી ને મુખ જોતા મૂરછા લાગી 

બ્રહ્માદિક ઇંદ્રાદિક સરખા કૌતક એ દેખે 

ચૌદ લોકના નાથને કોઈ મટુકીમાં દેખે 

ગોવાલણ ના ભાગ્યે પ્રગટ્યા અંતરયામી 

દાસલડાં ને લાડ લડાવે નર્સેય ના સ્વામી